मुंबई : (Ved Box Office Collection) बहुर्चित आणि बहुप्रतिक्षित अभिनेता रितेश देशमुख (Riteish Deshmukh) दिग्दर्शित ‘वेड’ (Ved) 31 डिसेंबर रोजी प्रदर्शित झाला अन् बाॅक्स आॅफिस पैशाचा गल्ला जमायला सुरुवात झाली. रितेशसोबत त्याची पत्नी आणि अभिनेत्री जिनिलिया देशमुखने (Genelia Deshmukh) देखील काम केलं आहे. ‘वेड’ या सिनेमाची दुसऱ्या आठवड्यातही यशस्वी घौडदौड सुरू आहे. या सिनेमाने आता नागराज मंजुळेंच्या (Nagraj Manjule) बहुचर्चित ‘सैराट’ (Sairat) या सिनेमाचा रेकॉर्ड मोडला आहे.
सर्वाधिक कमाई करणाऱ्या सिनेमांच्या यादीत नागराज मंजुळेंचा ‘सैराट’ हा सिनेमा पहिल्या क्रमांकावर होता. या सिनेमाने 12.10 कोटींची कमाई केली होती. आता ‘वेड’ या सिनेमाने हा रेकॉर्ड ब्रेक केला आहे. ‘वेड’ या सिनेमाने आतापर्यंत 33.42 कोटींची कमाई केली आहे.
रिलीजच्या दहाव्या दिवशी म्हणजेच दुसऱ्या रविवारी ‘वेड’ (Ved) या सिनेमाने सर्वाधिक कमाई केली आहे. दुसऱ्या रविवारी या सिनेमाने 5.70 कोटींचा गल्ला जमवला आहे. दिवसेंदिवस या सिनेमाच्या कमाईचा आलेख वाढत चालला आहे. रिलीजच्या दहा दिवसांनंतरही या सिनेमाची क्रेझ चाहत्यांमध्ये कायम आहे.
रितेश आणि जिनिलियाचा (Genelia DSouza) ‘वेड’ (Ved Movie) हा सिनेमा चाहते पुन्हा पुन्हा आवडीने पाहत आहेत. या सिनेमाचे चाहत्यांसह सेलिब्रिटींकडून कौतुक होत आहे. तगडी स्टारकास्ट असलेला हा सिनेमा किती कमाई करणार याची चाहत्यांना उत्सुकता लागली आहे.