Whatsapp : सर्वात लोकप्रिय मेसेजिंग प्लॅटफॉर्म असलेले व्हॉट्सअॅप आपल्या युजर्सना अधिकाधिक चांगली सेवा देण्यासाठी तत्पर असते. त्याच प्रयत्नांतून व्हॉट्सअ‍ॅपमध्ये नवनवे फीचर जोडले जातात. त्यात आता आणखी एका फीचरची भर पडली आहे. आनंदाची बातमी म्हणजे लवकरच व्हॉट्सअॅप युजर्स चार फोनमध्ये एकचा अकाउंट वापरू शकणार आहेत. आपत्कालीन परिस्थितीत हे फीचर अतिशय उपयुक्त ठरणार आहे.
तुम्हाला व्हॉट्सअॅप एकावेळी एकाच फोनमध्ये वापरता येत होतं. फार तर एक फोन आणि लॅपटॉप असं वापरता येत होतं. मात्र एकाच नंबरवरील व्हॉट्सअॅप अकाउंट एकापेक्षा जास्त फोनमध्ये वापरण्याची परवानगी दिली जात नव्हती. आता तुम्ही एकपेक्षा जास्त फोनमध्ये एकाच नंबरने अकाउंट वापरू शकणार आहात. फेसबुक आणि व्हॉट्सअॅप चे मालक मार्क झुकरबर्ग यांनी याबाबत मोठी घोषणा केली आहे.
कंपनीने याबाबत माहिती दिली आहे. माहितीनुसार, युजर्सच्या मेसेजची गोपनीयता बाळगली जाणार आहे, तसेच त्यांचे सर्व फोटो आणि व्हिडीओ हे इतर डिव्हाइसवर देखील अॅक्सीस केले जाऊ शकतात असं यामध्ये म्हटलं आहे. युजर त्यांचे WhatsApp खाते चार किंवा अतिरिक्त स्मार्टफोन्सशी लिंक करू शकतील आणि त्यांना दुय्यम डिव्हाइस अधिकृत करण्यासाठी फक्त प्राथमिक फोन वापरावा लागेल. ही प्रक्रिया व्हॉट्सअॅप वेब अधिकृत करण्यासारखीच आहे. युजर्सना QR कोड स्कॅन करणं आवश्यक आहे, पर्याय म्हणून OTP किंवा व्हेरिफिकेशन कोडची देखील सुविधा उपलब्ध असणार आहे.