खेड | आजकाल सेल्फी काढण्याचा आणि इन्स्टाग्राम रील व्हिडिओ तयार करण्याचा ट्रेंड जोरात सुरू आहे. ज्यांना याची आवड आहे अशा कोणत्याही वयोगटातील व्यक्ती रील तयार करण्याचा प्रयत्न करत आहेत. घर असो किंवा घराच्या बाहेर, रील तयार करण्याची एकही संधी सोडली जात नाही. मात्र, हीच सवय आणि आवड काहींच्या जीवावर बेतत असल्याचं चित्र आहे. अशीच एक घटना पुणे शहरात घडली आहे.
सध्या होळी सण साऱ्या राज्यभर जोरदार आणि मोठ्या आनंदात साजरे केले जात आहेत. त्यातच आज रंगपंचमी असल्यामुळे अनेक तरुण तरुणी नदी घाटावर नाही तर धरणावर जाताना दिसत होते. त्यामुळे खेड तालुक्यातील भामा आसखेड धरणावरही काही तरुण मित्रांसह गेले होते. त्यावेळी त्या मित्रांमधील दत्ता भारती हा तरुण रिल बनवण्याची धरणाच्या एका ठिकाणी गेला होता. त्यावेळी धरणावर उभा असताना पाय घसरल्याने रिल बनवताना तो धरणाच्या पाण्यात पडला. त्यानंतर धरणावर आलेल्या आणि इतर नागरिकांनी आरडाओरड केला. यावेळी काही तरुणांनी दत्ता भारतीला वाचावण्याचाही काही जणांनी प्रयत्न केला मात्र तो पाण्यात बुडाला. त्यानंतर खेड तालुक्यातील आपत्ती निवारण टीमला पाचरण करण्यात आले. त्यानंतर पाण्यात दत्ता भारतीचा शोध घेण्यात आला. काही वेळ शोध घेतल्यानंतर त्याचा मृतदेह बाहेर काढण्यात आपत्ती निवारण टीमला यश आले.