श्रीनगर | J&K Blast – जम्मू दुरेही बॉम्बस्फोटानं हादरलं आहे. जम्मू (Jammu) शहरातील नरवाल (Narwal) भागात आज दुपारच्या सुमारास एकमागून एक असे दोन शक्तीशाली स्फोट झाले आहेत. या घटनेत सहाजण गंभीर जखमी झाले असून जखमींना जवळच्या सरकारी रुग्णालयात दाखल करण्यात आलं आहे.
एनएनआयने दिलेल्या वृत्तानुसार, आज दुपारच्या सुमारास जम्मू शहरातील नरवाल भागात दोन बॉम्बस्फोटाच्या घटना घडल्या आहेत. या घटनेनंतर पोलिसांनी शहरात नाकेबंदी केली आहे. या बॉम्बस्फोटाची जबाबदारी अद्याप कोणत्याही संघटनेनं घेतली नसल्याची माहिती जम्मूचे अतिरिक्त पोलीस महासंचालक मुकेश सिंग यांनी दिली आहे.