नीरज पाठोपाठ पारुल चौधरीने मोडला विक्रम! शेतकऱ्याची लेक ऑलिंपिक स्पर्धेसाठी पात्र!
Parul Chaudhary In World Athletics Championship 2023 : जागतिक अॅथलेटिक्स चॅम्पियनशिप 2023 ची यशस्वीपणे सांगता झाली आहे, ज्यामध्ये अनेक भारतीय खेळाडूंनी उत्कृष्ट कामगिरी केली आहे. भारतासाठी पारुल चौधरीने 3000 मीटर स्टीपलचेजमध्ये राष्ट्रीय विक्रम मोडला.
पारुल चौधरी ही मेरठच्या एका शेतकऱ्याची मुलगी आहे. पारुल एकेकाळी गावातून स्टेडियमपर्यंत पायी जात होती. आता ती 2024 मध्ये पॅरिस येथे होणाऱ्या ऑलिम्पिकसाठी पात्र ठरली आहे. भारताच्या पारुलने 3000 मीटर स्टीपलचेजमध्ये 11 वा क्रमांक पटकावला. त्याने ही शर्यत 9 मिनिटे 15.31 सेकंदात पूर्ण केली.
पारुलच्या 3000 मीटर स्टीपलचेजबद्दल बोलायचे झाले तर, सुरुवातीला 200 मीटरपर्यंत तिने जबरदस्त लयीत दिसली आणि प्रथम क्रमांक राखला, पण हळूहळू तिचा वेग कमी होत गेला आणि शेवटी तिला 11व्या स्थानी समाधान मानावे लागले. पारुल 2900 मीटरपर्यंत शर्यतीत 13व्या क्रमांकावर होती, मात्र उर्वरित 100 मीटरमध्ये तिने आपला वेग वाढवला आणि 11व्या स्थानावर आली.
जागतिक अॅथलेटिक्स चॅम्पियनशिपमध्ये भारताचा स्टार भालाफेकपटू नीरज चोप्राने सुवर्णपदक पटकावले. नीरजने 88.17 मीटर भालाफेकमध्ये सुवर्ण जिंकले. जागतिक अॅथलेटिक्स चॅम्पियनशिपमध्ये सुवर्णपदक जिंकणारा नीरज हा भारताचा पहिला खेळाडू होता. दुसरीकडे, पाकिस्तानचा अर्शद नदीम 87.82 गुणांसह दुसरा आला आणि त्याला रौप्यपदक मिळाले.
