पवार साहेबांच्या नेतृत्वाच्या मागे उभे रहा
गृहमंत्री दिलीप वळसे पाटील यांचे मत
शिक्रापूर : करंदी ता. शिरूर येथील जिल्हा परिषद प्राथमिक शाळेच्या वर्ग खोल्यांचे उद्घाटन गृहमंत्री दिलीप वळसे पाटील यांच्या हस्ते झाले. यावेळी गृहमंत्री वळसे-पाटील म्हणाले की, राष्ट्रवादी काँग्रेस पक्षाचे ज्येष्ठ नेते शरद पवार यांच्यावर विनाकारण काहीही संबंध नसताना खालच्या भाषेमध्ये टीका केली जाते. त्याचे उत्तर मागायला समाजातील लोक पुढे काय येत नाही हे तुमचं नेतृत्व आहे.
भारतीय जनता पक्षाचे सरकारने २०१४ पासून आपल्याला अनेक प्रकारची आश्वासने दिली, परंतु आश्वासन दिल्यानंतर आज ती आश्वासन त्यांना पूर्ण करता आलेली नाही. एका बाजूला डिझेल, पेट्रोल, गॅस, सीएनजी यांच्या किमती वाढवल्या असताना गव्हाच्या किमती वाढल्या चार पैसे शेतकर्‍यांना मिळणार म्हटल्यानंतर लगेच आता निर्यातबंदी करून टाकली त्या ठिकाणी मग तुमचा माझा विचार करणार कोणी दिल्लीमध्ये बसलेलं नाही. आज पवार साहेबांच्या पन्नास वर्षांच्या कारकिर्दीमध्ये समाजाचे प्रश्न सोडवण्यासाठी उभे राहिलेले आहे, त्या वेळेला आपल्याला सुद्धा आपल्या नेतृत्वाच्या पाठीमागं भक्कम उभे राहिले पाहिजे.
याप्रसंगी आमदार अशोक पवार, पोपटराव गावडे, सूर्यकांत पलांडे, केशरताई पवार, प्रदीप वळसे पाटील आदी मान्यवर उपस्थित होते.
देवदत्त निकम, मानसिंग पाचुंदकर, बाजार समितीचे माजी सभापती प्रकाश पवार, शंकर जांभळकर, पुणे जिल्हा परिषद सदस्या सविता बगाटे, माजी सदस्य शेखर पाचुंदकर, पंचायत समितीचे माजी सभापती सुभाष उमाप, करंदीच्या सरपंच सुभद्रा ढोकले, उपसरपंच बबलू ढोकले, पोलीस पाटील वंदना साबळे, सुहास ढोकले, राजाभाऊ ढोकले, शरद ढोकले, शाळा व्यवस्थापन समितीचे अध्यक्ष बाप्पू दरेकर व शाळेचे मुख्याध्यापक शिक्षक व ग्रामस्थ मोठ्या संख्येने उपस्थित होते.
दरम्यान यावेळी शिरुर हवेलीचे आमदार अशोक पवार यांनी चासकमान कालवा संदर्भात अस्तरीकरणासाठी वीस कोटीचा निधी उपलब्ध झालेला असल्याचे तसेच केंदुर येथिल पर्‍हाड मळा व माळी मळा तसेच मुखई बंधार्‍यांना मंजुरी मिळवण्याचे सांगितले, सदर कार्यक्रमाचे सूत्रसंचालन गोरक्ष ढोकले यांनी केले तर भाऊसाहेब ढोकले यांनी आभार मानले.
