कोहली-गांगुली वाद पुन्हा चव्हाट्यावर! विराटनं हँडशेक करणं टाळलं? सामन्यानंतरचा Video व्हायरल
Virat Kohli Refuses To Shake Hands With Sourav Ganguly : विराट कोहली (Virat Kohli) आणि सौरभ गांगुली (Sourav Ganguly) यांच्यातील वाद पुन्हा एकदा चव्हाट्यावर आला आहे. आयपीएल 2023 (IPL 2023) मध्ये राॅयल चॅलेंजर्स बंगळुरूने (RCB) दिल्ली कॅपिटल्सचा (DC) 23 धावांनी पराभव केला. या सामन्यात विराट कोहली (Virat Kohli) आणि सौरव गांगुली (Sourav Ganguly) यांच्यातील वादाची ठिणगी दिसून आली. सामना संपल्यानंतर कोहलीने गांगुलीशी हातमिळवणे टाळले असल्याचे बोलले जात आहे. त्यामुळे कोहली आणि गांगुली यांच्यातील वाद पुन्हा एकदा समोर आला आहे.
आयपीएलमध्ये शनिवारी 15 एप्रिल रोजी दिल्ली कॅपिटल आणि राॅयल चॅलेंजर्स बंगळुरु यांच्यात सामना रंगला. या सामन्यात आरसीबीने 23 धावांनी विजय मिळवला. या सामन्यात विराट कोहलीने दमदार अर्धशतकी खेळी केली. याशिवाय त्याने तीन झेलही पकडले. यावेळी त्यानी कॅच पकडल्यानंतर दिलेली रिअॅक्शन व्हायरल होत आहे. तिसरा झेल घेतल्यानंतर विराट कोहली डग आऊटमध्ये असणाऱ्या गांगुलीकडे रागाने पाहत होता, असं बोललं जात आहे.
या सामन्यानंतरचा एक व्हिडीओ सोशल मीडियावर व्हायरल होत आहे. या व्हिडीओमध्ये सामना संपल्यानंतर दोन्ही संघातील खेळाडू आणि कर्मचारी एकमेकांसोबत हात मिळवताना पाहायला मिळालं. पण यावेळी विराट कोहलीने दिल्ली संघाचा डायरेक्टर सौरव गांगुलीसोबत हात मिळवला नाही, अस दिसत आहे.
