इंदापूरच्या विकासासाठी पाच कोटींचा निधी मंजूर

सार्वजनिक बांधकाम राज्यमंत्री दत्तात्रय भरणे यांची माहिती

इंदापूर ः वैशिष्ठ्यपूर्ण योजनेअंतर्गत तसेच विशेष रस्ता अनुदान निधीतून इंदापूर शहरातील विविध विकासकामांकरिता पाच कोटी रुपयांचा निधी मंजूर करण्यात आला असल्याची माहिती सार्वजनिक बांधकाम राज्यमंत्री तथा सोलापूर जिल्ह्याचे पालकमंत्री दत्तात्रय भरणे यांनी दिली.

विधानसभेला इंदापूर शहरातील नागरिकांनी मतदानरुपी मला मोठा आशीर्वाद दिला आहे. त्यामुळे इंदापूर शहराला मागेल तेवढा विकास निधी देणार असून, येणार्‍या काळात इंदापूर शहराचा विकासात्मक चेहरामोहरा बदलणार आहे. दिलेल्या विकास निधीतील कामे नागरिकांनी दर्जेदार करून घ्यावीत. तसेच शहरात आणखी कोणते विकासकामे राहिली असतील तर सांगावीत. सर्व कामे तत्काळ मंजूर करण्यात येतील.

_दत्तात्रय भरणे, राज्यमंत्री

इंदापूर शहाराकरिता सन २०२१-२२ करीत लेखाशीर्ष (३०५४ ००२२) खाली इंदापूर शहरातील गणेश कोथमिरे घर ते बागवान गल्ली भिसे घर ड्रेनेज व काँक्रिटीकरणासाठी ७० लाख रुपये, शाहूनगर येथे अंतर्गत ड्रेनेज व काँक्रिटीकरण ५० लाख, राजेवलीनगर येथे ड्रेनेज करणे ३० लाख, श्रीनाथ हाउसिंग सोसायटी व वडरगल्ली अंडरग्राउंड ड्रेनेज व लादीकरण करणे ३० लाख, अशोक क्लॉथ स्टोअर्स ते आगलावे घर पंधारानालापर्यंत व सिद्धेश्वर बोळ ड्रेनेज व काँक्रिटीकरण करणे २५ लाख, रामवेस नाका सुशोभीकरण करणे व श्रीराम मंदिर परिसरात काँक्रिटीकरण करणे ३० लाख, कासारपट्टा परिसर अंतर्गत ड्रेनेज व काँक्रिटीकरण २५ लाख, कोठारे घर ते श्रीकृष्ण मंदिर ते बेपारी गल्ली अंतर्गत ड्रेनेज व डांबरीकरण रस्ता २५ लाख, डॉ. बाबासाहेब आंबेडकर सोसायटी येथे रामचंद्र मखरे घर ते विलास मखरे घर रस्ता करणे १० लाख, महतीनगरमध्ये शिंदे घर ते कॅनॉलपर्यंत रस्ता करणे १० लाख, डॉ. बाबासाहेब आंबेडकर सोसायटीमध्ये विलास मखरे घर पाथवे व लादीकरण करणे १० लाख, इंदापूर शहरातील सोलापूर रोड ते पाण्याच्या टाकीपर्यंत डांबरी रस्ता करणे १० लाख, जोतिबा मंदिर येथे लादीकरण १५ लाख, दत्तनगर येथे भूमिगत गटार करणे १५ लाख, विठ्ठल होंडा ते ढोले फर्निचर मॉलपर्यंत रस्ता करणे २५ लाख, गवळी गल्ली ते कारखाना रोड रस्ता करणे १५ लाख, साळुंखे मळा ते खंडोबा मंदिर रस्ता करणे १५ लाख रुपये मंजूर करण्यात आले आहेत.

तसेच सन २०२१-२२ लेखाशीर्ष (२२१७ १३०१) खाली शहरातील संत सेनामहाराज सामाजिक सभागृह (महात्मा फुले शॉपिंग सेंटरमागे) वॉल कंपाउंड व सुशोभीकरण करणे ३० लाख, शहीद भगतसिंग चौक येथील नगरपरिषद जागेमध्ये २ मजली सभागृह बांधणे २५ लाख, प्रभाग क्र. ८ बारामती रोड चौक सुशोभीकरण व शिल्प बसवणे २० लाख, तसेच संत सेनामहाराज वाचनालय व संत रोहिदास मंदिरासमोर हायमास्ट बसविणे १५ लाख, प्रभाग क्र. १ मधील महात्मा फुलेनगरमध्ये सभामंडप करणे १५ लाख व महतीनगर येथे सभामंडप व सुशोभीकरणासाठी १५ लाख या कामांकरिता एकूण ५ कोटी रुपयांचा निधी मंजूर करण्यात आला असून विकासकामांच्या माध्यमातून येत्या काही दिवसांत इंदापूर शहराची एक वेगळी ओळख निर्माण करणार असल्याची ग्वाही राज्यमंत्री भरणे यांनी दिली आहे.