आता मोबाईलवर पाहू शकता पेट्रोल-डिझेलचे दर
Today Petrol Diesel Price : महाराष्ट्रातील पेट्रोलच्या किमती डायनॅमिक इंधन किंमत प्रणालीवर आधारित आहेत. त्यामुळे किंमती नियमितपणे सुधारित केल्या जातात. दररोज सकाळी ६ वाजता पेट्रोलचे दर सुधारले जातात. अनेक घटक पेट्रोलची किंमत ठरवतात. जेव्हा आंतरराष्ट्रीय कच्च्या तेलाच्या किमती वाढतात तेव्हा भारतात इंधनाच्या किमती वाढतात.
आंतरराष्ट्रीय बाजारात कच्च्या तेलाचे दर (Crude Oil Price) पुन्हा एकदा महागले आहेत. मध्यंतरी कच्चे तेल 100 डॉलर प्रति बॅरल होते. त्यानंतर हे दर घसरले. 80 डॉलर प्रति बॅरलपर्यंत दर खाली आले. आता क्रूड ऑईलच्या किंमतीत पुन्हा वाढ झाली आहे. या किंमतींचा भारतीय तेल विपणन कंपन्यांवर (Indian Oil Marketing Companies) मोठा परिणाम होतोय. त्यांना त्या दरांनी कच्चे तेल खरेदी करावे लागते. आज 20 जानेवारी 2023 रोजी देशात कंपन्यांनी पेट्रोल-डिझेलच्या भावात बदल केला नाही. देशाच्या काही भागात पेट्रोल-डिझेलच्या किंमतीत (Petrol-Diesel Price) तफावत ही करांमुळे दिसून येते.
पेट्रोल-डिझेलचे रोजचे दर तुम्ही एसएमएसद्वारे जाणून घेऊ शकता. इंडियन ऑईलच्या ग्राहकांनी RSP असे लिहून 9224992249 या क्रमांक पाठवल्यास त्याला आजचे नवीन दर कळतील. त्यासाठी पेट्रोल पंपावर जायची गरज नाही.
तर बीपीसीएलच्या ग्राहकांनाही घरबसल्या त्याच्या मोबाईलवर भाव कळू शकतात. त्याने मोबाईल मॅसेजमध्ये RSP लिहून हा मॅसेज 9223112222 या क्रमांकावर पाठवल्यास घरबसल्या भाव समजतील. त्यानंतर कंपनी त्याला एसएमएसद्वारे (SMS) आजचे अपडेट दर कळवेल. तर एचपीसीएल ग्राहकांना HPPrice असे लिहून 9222201122 या क्रमांकावर एसएमएस करावा लागेल.
