‘Tiger Vs Pathaan’मध्ये सलमान-शाहरूखसह दिसणार दीपिका-कतरिना? तर खलनायकाची भूमिका साकारणार हाॅलिवूडचा सुपरस्टार

मुंबई | Tiger Vs Pathaan – गेल्या काही दिवसांपूर्वीच बाॅलिवूडचा किंग खान शाहरूख खानच्या (Shah Rukh Khan) ‘पठाण’ (Pathaan) या चित्रपटानं बाॅक्स ऑफिसवर (Box Office) धुमाकूळ घातला होता. तसंच पठाण सुपरहीट चित्रपट ठरला. हा चित्रपट सुपरहीट ठरण्यामागचं विशेष कारण म्हणजे या चित्रपटात सलमान (Salman Khan)-शाहरूख एकत्र दिसले होते. त्यामुळे चाहते चांगलेच खुश झाले होते. तसंच आताही प्रेक्षकांना सलमान-शाहरूखची जोडी पुन्हा पाहायला मिळणार आहे.

‘Tiger Vs Pathaan’ या चित्रपटातून शाहरूख आणि सलमानची जोडी पुन्हा एकत्र येणार आहे. मिळालेल्या माहितीनुसार, या चित्रपटात शाहरूख-सलमान आमने सामने येणार आहेत. तसंच हा बाॅलिवूडमधील सगळ्यात मोठा प्रोजेक्ट असणार आहे. या चित्रपटासाठी जबरदस्त पैसा खर्च केला जाणार आहे. तर आदित्य चोप्रा आणि त्यांच्या यश राज फिल्म्सनी या चित्रपटासाठी तब्बल 300 कोटींचं बजेट दिल्याचं समजतंय.

या चित्रपटात शाहरूख-सलमानसोबत कोणत्या अभिनेत्री मुख्य भुमिकेत दिसणार असा प्रश्न सर्वांनाच पडला आहे. तर या दोन सुपरस्टार सोबत अभिनेत्री दीपिका पदुकोण (Deepika Padukone) आणि कतरिना कैफ (Katrina Kaif) या मुख्य भूमिका साकारताना दिसू शकतात. तसंच या चित्रपटात खलनायकाची भूमिका ‘गेम ऑफ थ्रोन्स’मधील जेसन मामोआ साकारणार असल्याचं म्हंटलं जातंय. त्यामुळे आता या चित्रपटाची प्रेक्षकांना चांगलीच उत्सुकता लागली आहे.