पुणेकरांना मिळाली अशफाक शेख यांच्या गीतांची पर्वणी
पुणे | सुराविष्कार पुणे आयोजित आणि नागण्णा झळकी निर्मित ”आ नीले गगन तले” या हिंदी मनपसंत गीतांचा सोळावा भाग पार पडला. बालगंधर्व रंगमंदिर पुणे येथे हा कार्यक्रम नुकताच संपन्न झाला. यावेळी एकाहून एक खुमासदार गाण्यांचे सादरीकरण याठिकाणी करण्यात आले. त्या गाण्यांनी सर्व प्रेक्षकांची मने जिंकली. या कार्यक्रमात अशफाक शेख यांचा विशेष सहभाग होता. त्यांच्या समवेत पुण्यातील एलिझाबेथ वाळंज, सतिश कुलकर्णी, अनघा कुलकर्णी, संतोष पाठक, डाॅ.मृणाल तरटे, डाॅ.अतुल देसाई, अन्वर शेख, प्रिया पंडित, साधना पंडित, रूचिरा गुरव, शीतल वाघ, श्रद्धा कंगळे आणि रविंद्र शाळू हे देखील सहभागी होते.
यावेळी “किसी की मुस्कुराहटो पे हो निसार” या गाण्याने कार्यक्रमाची सुरुवात झाली. अशफाक शेख यांनी गायलेल्या “रंग और नूर की बारात” या गीताला प्रेक्षकांनी विशेष पसंती दिली. एलिझाबेथ वाळंज यांनी गायलेल्या “तुम्ही मेरे मंदिर तुम्ही मेरी पूजा” या गीताची प्रेक्षकांना भुरळ पडली. याप्रसंगी कार्यक्रमाचे सूत्रसंचालन आणि गायन आकाश सोळंकी यांनी केले. एसआर निर्मित संकल्पना असलेल्या या कार्यक्रमास हेमंत उत्तेकर आणि शितल तसेच विक्रम क्रिएशन्स यांचे तंत्र सहाय्य लाभले.
