पाकिस्तानचं जुनं नाटक, नवी स्टोरी! PCB भारतात त्यांचे सुरक्षा पथक आणणार आणि मगच…”
नवी दिल्ली : (World Cup Schedule 2023) यंदाचा वनडे वर्ल्डकप २०२३ भारताच्या यजमानपदाखाली भारतात खेळवला जाणार आहे. यासाठी ICC कडून वेळापत्रकडॆहील जाहीर करण्यात आले आहे. पाकिस्तान क्रिकेट बोर्डाने आयसीसीने जाहीर केलेल्या वनडे वर्ल्डकप २०२३ च्या वेळापत्रकावर आपली अधिकृत भूमिका मांडली आहे. पीसीबीच्या प्रवक्त्याने पुन्हा एकदा सांगितले की या स्पर्धेत संघाचा सहभाग सरकारच्या मान्यतेवर अवलंबून आहे. पण पाकिस्तानमधून एक वेगळीच माहिती समोर येत आहे. मात्र, एका अहवालात असा दावा करण्यात आला आहे की, पीसीबी पाकिस्तानचे सामने खेळणार असलेल्या ठिकाणी सुरक्षा पथक पाठवण्याची तयारी करत आहे.
पीसीबीच्या एका प्रवक्त्याने सांगितले की, “बोर्डाला सामन्यांच्या ठिकाणांसह भारताच्या कोणत्याही दौऱ्यासाठी पाकिस्तान सरकारची परवानगी आवश्यक आहे. आम्ही मार्गदर्शनासाठी आमच्या सरकारशी संपर्क साधत आहोत आणि आम्हाला त्यांच्याकडून माहिती मिळताच ICC लाअपडेट करू.”
याशिवाय ज्या ठिकाणी पाकिस्तान क्रिकेट संघाचे सामने होणार आहेत, त्या ठिकाणची सुरक्षा व्यवस्था तपासण्यासाठी PCB आपले सुरक्षा पथक पाठवण्याच्या तयारीत आहे. या प्रक्रियेसाठी कोणतीही कालमर्यादा निश्चित केलेली नाही आणि ती सरकारच्या प्रतिसादावर अवलंबून असेल. काही संघांनी मोठ्या कार्यक्रमांपूर्वी असे सुरक्षा मूल्यमापन करणे हा एक सराव आहे. पाकिस्तानच्या सुरक्षा पथकाच्या अहवालामुळे भारताविरुद्धचा २०१६ चा टी-२० वर्ल्डकप सामना धर्मशाला येथून कोलकात्यात खेळवावा लागला होता.
