2024च्या निवडणुकीचे पडघम! भाजपच्या माजी आमदाराने सोडली साथ,राष्ट्रवादीला दिला हात..
लातूर : (Vinayakrao Patil Join NCP Sharad Pawar Group) अहमदपूर विधानसभा मतदारसंघ निवडणुकीचे पडघम आज पासुनच सुरू झाल्याची स्थिती आहे. याचे मुख्य कारण ठरले आहे माजी आमदार विनायकराव पाटील (Vinayakrao Patil) यांनी भाजपची साथ सोडून, शरद पवार यांच्या (Sharad Pawar) राष्ट्रवादीचा हात पकडला आहे. हा निर्णय स्वत: विनायकराव पाटीलांनी जाहीर केलाय. 29 ऑक्टोबर रोजी ते शदर पवार यांच्या उपस्थितीत यशवंतराव चव्हाण सभागृहात पक्षप्रवेश करतील.
राज्याच्या राजकारणात गटबाजीचं राजकारण सुरु झाल्यानंतर अनेक कार्यकर्ते आमदार यांनी त्यांची त्यांची भूमिका निवडली. अनेकांनी पक्ष देखील बदलला. तसेच पक्ष बदलण्याचं आमदारांच सत्र अजूनही सुरुच आहे. यावेळेस ही गटबाजी संपेल आणि आपली उमेदवारी निश्चित होईल अशी आशा विनायकराव पाटील यांना होती. मात्र जिल्हाध्यक्षपदी त्याच्या निवडणुकीत बंडखोरी केलेले उमेदवार दिलीपराव देशमुख यांची वर्णी लागली. यामुळे विनायकराव पाटील समर्थक गटामध्ये अस्वस्थता वाढली.
दरम्यान, भाजपाचे जिल्ह्यामध्ये अनेक गट तट तयार झाल्याने विनायकराव पाटील यांची भाजपामध्ये घुसमट होत होती. त्यातच सगळे विरोधक हे एकत्र आलेत त्यांच्या विरोधात सक्षमपणे उभे राहिल्यास मतदार आपल्या बाजूने येतील हे लक्षात घेत विनायकराव पाटील यांनी राष्ट्रवादीची वाट धरली आहे
विनायकराव पाटील हे लातूरच्या अहमदपूर विधानसभा मतदारसंघातून दोन वेळेस आमदार म्हणून निवडून आलेत. राज्यमंत्री पदी त्यांनी काम देखील केलं आहे. गत वेळेस भाजपातील गटबाजीचा फटका त्यांना बसला होता.यात त्यांचा पराभव झाला. भाजपातील अंतर्गत गटबाजीला कंटाळून विनायकराव पाटील यांनी शरद पवार यांच्या राष्ट्रवादीत प्रवेश करण्याचा निर्णय घेतला असल्याचं समोर आलं आहे.
