दिल्लीचे माजी मुख्यमंत्री अरविंद केजरीवालांनी घेतले तिरुपती बालाजीचे दर्शन

दिल्ली विधानसभा निवडणूक २०२५ च्या तयारीदरम्यान आम आदमी पार्टीचे राष्ट्रीय संयोजक आणि दिल्लीचे माजी मुख्यमंत्री अरविंद केजरीवाल पुन्हा एकदा देवाच्या दरबारात पोहोचले आहेत. नुकतेच त्यांनी तिरुपती बालाजीचे दर्शन घेतले. याचे फोटो सोशल मीडियावर व्हायरल झाले आहेत.

दिल्ली आणि देशाच्या समृद्धी आणि कल्याणासाठी भगवान श्री व्यंकटेश्वर स्वामींना प्रार्थना केली. केजरीवाल यांनी एक व्हिडिओही शेअर केला आहे. अरविंद केजरीवाल यांनी पत्नी सुनीता यांच्यासोबत तिरुपती बालाजी मंदिरात पोहोचून कुटुंबासह दर्शन घेतले. याआधी केजरीवाल माता वैष्णोदेवीच्या दरबारात पोहोचले होते. सर्वोच्च न्यायालयाकडून अंतरिम जामीन मिळाल्यानंतर मुख्यमंत्री अरविंद केजरीवाल यांनी तुरुंगातून बाहेर आल्यानंतर दिल्लीच्या प्राचीन हनुमान मंदिरात जाऊन आशीर्वादही घेतला होता.

१४ नोव्हेंबर रोजी बालदिनानिमित्त अरविंद केजरीवाल म्हणाले, "देवाने प्रत्येक मुलाला एक अद्वितीय प्रतिभा देऊन पाठवले आहे. आम्ही दिल्लीत एक अशी व्यवस्था तयार केली आहे जिथे प्रत्येक मूल त्याच्या प्रतिभेचे संगोपन करून उज्ज्वल भविष्य घडवू शकेल." आपले माजी पंतप्रधान पंडित जवाहरलाल नेहरू यांनाही मुलांमध्ये वेळ घालवायला आवडत असे. त्यांची जयंती आपण बालदिन म्हणून साजरी करतो. पंडित नेहरूंना भावपूर्ण श्रद्धांजली.