“कोरोनात उद्धव ठाकरे आपल्या करीनासोबत घरात होते”, प्रकाश महाजनांच्या टीकेवर किशोर पेडणेकर संतापल्या; म्हणाल्या, “तुमच्या भावावर…”
मुंबई | Kishori Pednekar On Prakash Mahajan – मनसे नेते प्रकाश महाजन (Prakash Mahajan) यांनी उद्धव ठाकरे (Uddhav Thackeray) आणि आदित्य ठाकरे (Aaditya Thackeray) यांच्यावर टीका केली होती. राज्य करत असताना कोणत्या समस्या आहेत, हा प्रश्न विचारल्यावर उद्धव ठाकरेंनी आजारी पडल्याचं सांगितलं. माझ्या मणक्याचं ऑपरेशन झालं असून शरीर सुन्न पडल्याचं ते बोलले. मात्र, कोरोनाच्या काळात ते आपल्या करीनाबरोबर घरात बसले होते, अशी टीका प्रकाश महाजनांनी उद्धव ठाकरेंवर केली आहे.
प्रकाश महाजनांच्या या टीकेला आता माजी महापौर किशोरी पेडणेकर (Kishori Pednekar) यांनी प्रत्युत्तर दिलं आहे. “महाजन कुटुंबातील एक व्यक्ती एवढ्या घाणेरड्या शब्दांत बोलत आहे, हे चांगलं नाही. तुमच्या भावावर गोळीबार कशामुळे झाला होता, हे आमच्यासारख्यांनी सांगण्याची गरज नाही. पहिलं तुम्ही तुमचं घर संभाळा,” असा खोचक सल्ला किशोरी पेडणेकरांनी प्रकाश महाजनांना दिला आहे.
“…तर तुझ्या आई-वडिलांना लग्न लावून द्यायला सांग”
दरम्यान, प्रकाश महाजन यांनी आदित्य ठाकरेंवरही निशाणा साधला. आदित्य ठाकरेंवर बोलताना ते म्हणाले की, “प्रत्येक सभेत आदित्य ठाकरे बोलताना सांगतात 32 वर्षाच्या नेत्याला सर्वजण घाबरले. जर तू 32 वर्षांचा झाला आहेस तर तुझ्या आई-वडिलांना लग्न लावून द्यायला सांग. कारण लग्न झालं नसल्यानं माणसाची गडबड होते. आमचं लग्न झाल्यामुळे आम्हाला घरचा धाक असतो. पण, याला कसलाच धाक नाही,” अशी टीका महाजनांनी केली होती.
