शरद पवारांच्या निवृत्तीच्या निर्णयाला कार्यकर्त्यांचा विरोध, निर्णय मागे घेईपर्यंत सभागृह सोडणार नसल्याचा आग्रह
मुंबई | Sharad Pawar – महाराष्ट्राच्या राजकारणात सर्वात मोठी घडामोड घडली आहे. शरद पवार (Sharad Pawar) यांनी राष्ट्रीय अध्यक्ष पदावरून निवृत्त होण्याचा निर्णय जाहीर केला आहे. शरद पवारांच्या या निर्णयानं कार्यकर्त्यांना मोठा धक्का बसला आहे. त्यांच्या या निर्णयाला कार्यकर्त्यांनी विरोध केला आहे. तसंच निर्णय मागे घेईपर्यंत सभागृह सोडणार नसल्याचा आग्रह कार्यकर्त्यांनी केला आहे.
शरद पवारांनी निवृत्तीचा निर्णय जाहीर केल्यानंतर सभागृहात एकच खळबळ उडाली आहे. तसंच त्यांच्या या निर्णयानंतर अनेक नेत्यांना अश्रू अनावर झाले आहेत. शरद पवारांनी त्यांचा राजीनामा मागे घेण्यासाठी धनंजय मुंडे त्यांच्या पाया पडले. तर राजीनामा मागे घेण्याची मागणी केली. नेत्यांसोबतच अनेक कार्यकर्तेही यावेळी भावूक झाले. त्याचबरोबर सभागृहातही मोठा गोंधळ उडाला. शरद पवारांच्या निवृत्तीच्या निर्णयामुळे संपूर्ण महाराष्ट्रात एकच खळबळ उडाली आहे.
