“…म्हणून सिल्वर ओकवर गेलो”; अजित पवाराचं स्पष्टीकरण..

मुंबई : (Ajit Pawar On Sharad Pawar) खातेवाटप जाहीर झाल्यानंतर अजित पवार सिल्वर ओकवर गेले. तब्बल अर्धा तास अजित पवार सिल्वर ओकवर होते. अजित पवारांचं सिल्वर ओकवर जाणं, त्यावेळी शरद पवारही उपस्थित असणं, याची राज्याच्या राजकारणात जोरदार चर्चा रंगली होती. अखेर आज नाशकात बोलताना स्वतः अजित पवारांनीच सिल्वर ओकवर जाण्याचं कारण स्पष्ट केलं आहे.

“काल दिवसभर अनेक कामांमुळे दुपारी सिल्वर ओकवर (Silver Oke) जायला जमले नाही, रात्री उशिरा गेलो. माझं अंतर्मन म्हणालं, आपण सिल्वर ओकवर गेलं पाहिजे, म्हणून गेलो. राजकारण राजकारणाच्या ठिकाणी, कुटुंब कुटुंबांच्या ठिकाणी आहे. सर्वांची भेट घेतली, बोललो.”, असं स्पष्टीकरण उपमुख्यमंत्री अजित पवार (Ajit Pawar) यांनी सिल्वर ओक येथील भेटीवर दिलं आहे.

अजित पवार यावेळी म्हणाले की, काल काकींच ऑपरेशन झालं, त्यांच्या हाताला दुखापत झाल्यामुळे काल भेट घेणार होतो. मात्र खाते वाटपाचा निर्णय होत असल्याने मंत्रालयात, विधानभवनात होतो. तिथून निघाल्यानंतर थेट सुप्रिया सुळेंना फोन केला. त्यावेळी सुप्रियाने सांगितले की, मी आता सिल्वर ओकवर निघाले आहे. काम झाल्यावर मी देखील सिल्वर ओक गेलो. त्यामुळे राजकारण राजकारणाच्या ठिकाणी आहे आणि कुटुंब कुटुंबाच्या ठिकाणी आहे. आपली भारतीय संस्कृती असून परिवाराला आपण पहिल्यांदा महत्त्व देतो. सिल्वर ओकवर अर्धा तास थांबलो. सर्वांशी भेट घेतली. माझ्या अंतर्मनांन सांगितलं की तिथं गेल पाहिजे, म्हणून मी गेलो, शरद पवार (Sharad Pawar) साहेब तिथं होते, असेही ते म्हणाले.