‘शिवपुत्र संभाजी महानाट्यातून..’, अभिनेते कोल्हेंनी समोर आणला पडद्यामागचा थरार…

औरंगाबाद : (Amol Kolhe Viral Video) डॉ. अमोल कोल्हे राजकीय नेता म्हणून प्रचलित आहेतच पण त्याहून अधिक उत्तम नट म्हणूनही ओळखले जातात. शिवराय साकारावेत ते डॉ. अमोल कोल्हेंनीच हे अनेकजणांचे मत. त्यांनी नाटक,मालिका आणि सिनेमातून साकारलेले शिवराय प्रत्येकाला भावले.

ऐतिहासिक भूमिका आणि अमोल कोल्हे हे जणू समीकरण. ऐतिहासिक नाटकांचे चालते-बोलते प्रयोगही त्यांनी लोकांसमोर सादर केले.अगदी तोच थाट-बाट,राजाचा ताम -झाम त्यांनी खुल्या मैदानात तितक्याच ताकदीनं लोकांसमोर उभा केला . त्यांचे संभाजी महाराजांवरीव शिवपुत्र संभाजी हे महानाट्यही तितकंच लोकांच्या जवळचं.

मोकळ्या मैदानात इतिहासातलं हे सुवर्णपान समोर अनुभवताना लोकांच्या डोळ्याचं पारणं फिटतंच पण त्यासाठी पडद्यामागे काय थरार असतो तो अनुभवला की या महानाट्याचा खरा आनंद अनुभवता येईल. आणि ती संधी उपलब्ध करुन दिलीय स्वतः डॉ. अमोल कोल्हेंनी तो थरार कॅमेऱ्यात बंदिस्त करत त्यांनी याचा व्हिडीओ शेअर केलाय.

डॉ. अमोल कोल्हे यांनी शिवपुत्र संभाजी या महानाट्याचा पडद्यामागचा थरार कॅमेऱ्यात बंदिस्त करत जो व्हिडीओ शेअर केला आहे त्यात…आधीचा अंक संपल्यावर पुढच्या अंकाची तयारी आधीच सुरु असलेली दिसते. धावत धावत मागच्या जिन्यानं येणारे कोल्हे..अन् त्याच चलाखीनं त्यांना तयार करायला सरावलेले त्यांचे नाटकाच्या मंचावरचे हे मावळे पाहून क्षणभर आपल्यालाही काळी कळत नाही काय होतंय.