‘बिग बाॅस’ विजेता एमसी स्टॅनचं बाॅलिवूडमध्ये पदार्पण, ‘या’ प्रसिद्ध दिग्दर्शकानं दिली ऑफर
मुंबई | MC Stan – ‘बिग बॉस 16’ (Bigg Boss 16) या पर्वाचा विजेता रॅपर एमसी स्टॅन (MC Stan) ठरला. सर्वाधिक मतं मिळवत एमसी स्टॅननं बिग बॉसच्या ट्रॉफीवर नाव कोरलं. त्यानंतर स्टॅन चांगलाच चर्चेत आहे. त्याच्या चाहत्यांच्या संख्येत देखील प्रचंड वाढ झाली आहे. तसंच बिग बाॅस जिंकल्यानंतर स्टॅनला चांगलीच लाॅटरी देखील लागली आहे. लवकरच तो बाॅलिवूडमध्ये (Bollywood) पदार्पण करणार आहे.
एमसी स्टॅनला गेल्या काही दिवसांपासून चांगलीच लॉटरी लागली आहे. आधी त्याला अमेझॉनसह 20 ब्रँडच्या ऑफर मिळाल्या होत्या. त्यानंतर आता स्टॅनला बॉलिवूडची ऑफर मिळाली असून लवकरच बॉलिवूडमध्ये पदार्पण करणार आहे. ‘बॉलिवूड लाइफ’ने दिलेल्या वृत्तानुसार, प्रसिद्ध बाॅलिवूड संगीत दिग्दर्शक साजिद-वाजिदकडून (Sajid-Wajid) स्टॅनला गाण्याची ऑफर मिळाली आहे.
‘बिग बॉस’ची ट्रॉफी जिंकल्यानंतर एमसी स्टॅनची संगीत दिग्दर्शक साजिद-वाजिद यांनी भेट घेतली. त्यांनी स्टॅनबरोबरचे फोटोही त्यांच्या सोशल मीडिया अकाऊंटवरुन शेअर केले आहेत. तसंच या फोटोंना दिलेल्या कॅप्शनमधून त्यांनी स्टॅन लवकरच त्यांच्याबरोबर गाणं रेकॉर्ड करणार असल्याचे संकेत दिले आहेत. त्यामुळे स्टॅन बॉलिवूड पदार्पण करणार असल्याच्या चर्चा सोशल मीडियावर रंगल्या आहेत.
