नामांकित कंपनीला भीषण आग, अनेक कामगार अडकल्याची भीती; मदत आणि बचाव कार्य सुरू…
नाशिक : (Igatpuri Jindal Polyfilms Company Fire) जिल्ह्यातील इगतपुरी तालुक्यात एका नामांकित (Igatpuri) कंपनीला भीषण (Nashik Fire) आग लागली आहे. ही आग एवढी प्रचंड आहे की, परिसरात धुराचे लोट उसळले आहेत. जिंदाल पॉलिफिल्म्स (Jindal Polyfilms) या कंपनीला आग (Fire) लागली असल्याची प्राथमिक माहिती आहे. आगीत काही कामगार जखमी झाल्याचे वृत्त आहे. नवीन वर्षाच्या पहिल्याच दिवशी ही दुःखद घटना घडल्याने परिसरात हळहळ व्यक्त करण्यात येत आहे.
इगतपुरी तालुक्यातील मुंढेगाव जवळ असलेल्या जिंदाल कंपनीला आग लागल्यानंतर मोठे स्फोट ऐकू आले. कंपनीत असलेल्या रसायनांचा स्फोट झाला असण्याची शक्यता वर्तवण्यात येत आहे. काहींच्या मते हा स्फोट बॉयलरचा झाला असल्याचे सांगण्यात येते. आगीचे नेमकं कारण अद्यापही स्पष्ट झाले नाही. आग भीषण असून प्रचंड धुराचे लोट उसळले आहे. महामार्गावर देखील या आगीच्या धुराचे लोट दिसत आहेत.
मिळालेल्या माहितीनुसार, या कंपनीत एक हजारांहून अधिक कामगार काम करतात. यामध्ये महिलांचाही समावेश आहे. सकाळी 11.30 वाजण्याच्या सुमारास मोठा स्फोट झाला. स्फोटाच्या आवाजाने परिसरात एकच खळबळ उडाली. कंपनीत अडकलेल्या कामगारांची सुटका करण्यासाठी प्रयत्न सुरू आहेत. तर 11 जणांना खासगी रुग्णालयात उपचारासाठी दाखल करण्यात आले आहे. त्यातील काही जणांची प्रकृती गंभीर आहे. आगीची माहिती समजताच अग्निशमन दल, नाशिक ग्रामीण पोलीस अधीक्षक, विभागीय महसूल आयुक्त, जिल्हाधिकारी आणि इतर अधिकारी घटनास्थळी दाखल झाले आहेत. सध्या अग्निशमन दलाचे आठ बंब आगीवर नियंत्रण मिळवण्यासाठी प्रयत्न करत आहेत.
