Pune News: धक्कादायक! पुण्यात पिझ्झा डिलिव्हरी बॉयला बेदम मारहाण करत हवेत गोळीबार
पुणे | Pune News : पुण्यात (Pune) एक धक्कादायक प्रकार घडला आहे. पिझ्झा डिलिव्हरी देण्यासाठी उशीर झाल्यामुळे ग्राहकाने डिलिव्हरी बॉयला (Pizza Delivery Boy) मारहाण केली. तसंच यावेळी ग्राहकानं हवेत गोळीबार केल्याची घटना घडली आहे. ही घटना पुण्यातील वाघोली येथे घडली आहे.
पुणे शहरातील वाघोली परिसरात वाघेश्वर मंदिराजवळ ही धक्कादायक घटना घडली आहे. चेतन वसंत पडवळ असं मारहाण आणि गोळीबार करणाऱ्या आरोपीचं नाव आहे. तर रोहित राजकुमार हुलसुरे हे पिझ्झा डिलिव्हरी बॉयचं नाव आहे. काल रात्री उशिरा आरोपी चेतन पडवळ याने पिझ्झाची ऑर्डर दिली होती. पण ही ऑर्डर रोहित हुलसुरेनं उशिरा पोहचवल्यामुळे आरोपी चेतननं त्याला मारहाण केली.
तर या मारहाणीचा जाब विचारण्यासाठी पिझ्झा डिलिव्हरी केंद्रातील देवेंद्र राहुल आणि त्यांचे इतर मित्र गेले असता आरोपी चेतनने त्याच्या कारमधून पिस्तुल काढून हवेत गोळीबार केला. या प्रकरणी लोणीकंद पोलिसांनी चेतन पडवळवर गुन्हा दाखल केला आहे.
