निवृत्त कर्णधार मिताली राजचे ‘हे’ विक्रम मोडणं अशक्यच!
मुंबई | Captain Mithali Raj Records – भारतीय महिला संघाची कर्णधार मिताली राज हिने आंतरराष्ट्रीय क्रिकेटमधून निवृत्ती घेतली आहे. बुधवारी दुपारी मितालीनं यासंदर्भात घोषणा केली आहे. मितालीनं तिच्या २३ वर्षांच्या आंतरराष्ट्रीय कारकिर्दीला अलविदा केलं आहे. तसंच मितालीनं सोशल मीडियावर पोस्ट शेअर करत तिच्या निवृत्तीची घोषणा केली आहे. दरम्यान, 39 वर्षीय मितालीने आजवर क्रिकेटच्या कसोटी, एकदिवसीय आणि टी-20 अशा तिन्ही फॉरमॅटमध्ये भारतीय संघाचं नेतृत्व करताना अनेक रेकॉर्ड्स नावे केले आहेत. तिचे काही रेकॉर्ड आजवर कोणी तोडू शकलेलं नाही, तसंच तोडणंही अशक्य असल्याचं म्हटलं जातं. असे काही खास रेकॉर्ड्स आपण जाणून घेणार आहोत.
मिताली राजचे प्रमुख रेकॅार्ड्स
- मितालीला लेडी तेंडुलकर म्हटलं जातं, कारण तिने भारतासाठी वनडे आणि टी20 क्रिकेट प्रकारात सर्वाधिक धावा केल्या आहेत.
- 2017 महिला क्रिकेट विश्व चषकादरम्यान मितालीने सलग सात अर्धशतकं लगावली असून अशी कामगिरी करणारी ती पहिलीच महिला क्रिकेटर आहे.
- मितालीने एकाच संघासाठी सर्वाधीक वनडे सामने खेळले असून या सामन्यांची संख्या 109 आहे.
- मिताली विश्वचषक स्पर्धेत 1,000 हून अधिक धावा करणारी पहिली भारतीय आणि पाचवी महिला क्रिकेटर आहे.
- मितालीने वनडे सामन्यात सर्वाधिक रन केले असून 232 सामन्यात तिने 7 हजार 805 रन केले आहेत.
- मिताली आंतरराष्ट्रीय टी20 सामन्यात दोन हजार धावा करणारी पहिली महिला भारतीय क्रिकेटर आहे.
- मिताली 20 वर्षांहून अधिक काळ आंतरराष्ट्रीय क्रिकेट खेळणारी पहिली महिला क्रिकेटर आहे.
- 200 वनडे सामने खेळणारी एकमेव महिला क्रिकेट मितालीच आहे.
- सहा एकदिवसीय वर्ल्ड कप खेळणारी मिताली एकमेव महिला क्रिकेटर आहे.
- टेस्ट सामन्यात दुहेरी शतक ठोकणारी मिताली एकमेव भारतीय महिला क्रिकेटर असून 2002 साली तिने इंग्लंड विरुद्ध 214 धावांची खेळी केली होती.
दरम्या, टीम इंडीयाची धडाकेबाज फलंदाज ३९ वर्षीय मिताली राजनं आज म्हणजेच ८ जूनला ट्विटरवर पोस्ट शेअर करत आपल्या निवृत्तीची घोषणा केली आहे. एक पत्र तिनं ट्विट करत शेअर केलं आहे. मितालीनं तिच्या मेसेजमध्ये लिहीलं आहे की, “जेव्हा मी निळ्या रंगाची जर्सी घालून माझ्या देशाचं प्रतिनिधीत्व केलं, तेव्हा मी लहान होते. हा प्रवास सर्व प्रकारचे क्षण पाहण्यासाठी पुरेसा होता. गेली २३ वर्षे माझ्या आयुष्यातील सगळ्यात सर्वोत्तम क्षणांपैकी एक होती. इतर प्रत्येक प्रवासाप्रमाणे हा प्रवासही संपत आहे आणि आज मी सर्व प्रकारच्या आंतरराष्ट्रीय क्रिकेटमधून माझी निवृत्ती जाहीर करत आहे.”
