कियाराच्या गुलाबी ड्रेसवरील फोटो पाहून सिद्धार्थचं देहभान हारपलं, चाहते म्हणाले…
नवी दिल्ली : (Siddharth Malhotra On Kiyara Adavani) बॉलिवूडमधील लोकप्रिय कपल कियारा अडवाणी आणि सिद्धार्थ मल्होत्रा लग्नानंतर आपल्या कामात व्यस्त झाले आहेत. दोघेही त्यांच्या आगामी चित्रपटांचे शूटिंग करताना दिसत आहेत, तर कधी दोघेही अनेक कार्यक्रमांमध्ये एकत्र दिसून येत आहेत. यादरम्यान दोघांच्याही चेहऱ्यावर लग्नाचा आनंद पाहायला मिळत आहे. अभिनेत्री कियारानं नुकत्याच शेअर केलेल्या फोटोवर पती सिद्धार्थ मल्होत्राची प्रतिक्रियाही पाहायला मिळत आहे. त्याचबरोबर चाहतेही प्रेमाचा वर्षाव करताना दिसत आहेत.
अलीकडेच, कियारा अडवाणीने WPL (WPL 2023) च्या उद्घाटन समारंभात कृती सेनन आणि AP Dhillon सोबत परफॉर्म केला, त्याचे व्हिडिओ सोशल मीडियावर व्हायरल होत आहेत. दरम्यान, अभिनेत्रीने तिच्या अभिनयाच्या या लूकची छायाचित्रे शेअर केली आहेत, ज्यामध्ये ती गुलाबी चमकदार जंपसूटमध्ये दिसत आहे. यामध्ये तिने चांदीचे बूट घातलेले दिसत आहेत.
या फोटोसोबत अभिनेत्रीने लिहिले की, ‘मला आजची रात्र गुलाबी वाटत आहे.’ हे फोटो शेअर केल्यानंतर चाहते आणि सेलिब्रिटींच्या प्रतिक्रिया पाहायला मिळत आहेत. पण लक्ष वेधून घेणारी टिप्पणी अभिनेत्रीचा पती सिद्धार्थ मल्होत्राची आहे. वास्तविक, अभिनेत्रीच्या या पोस्टवर कमेंट करताना सिद्धार्थनं लिहिलं आहे की, ‘पेंट मी पिंक’. यासोबत अभिनेत्याने फायर इमोजी शेअर केला आहे. त्याचवेळी, पत्नीच्या फोटोवर केलेल्या कमेंटवर अभिनेत्याच्या चाहत्यांनीही त्यांच्या प्रतिक्रिया दिल्या आहेत आणि हृदयाचे इमोजी शेअर केले आहेत.
विशेष म्हणजे, सिद्धार्थ मल्होत्रा आणि कियारा अडवाणी यांचा विवाह ७ फेब्रुवारी रोजी जैसलमेरच्या सूर्यगढ पॅलेसमध्ये झाला होता, ज्यामध्ये काही बॉलीवूड लोक आणि जोडप्याचे कुटुंब उपस्थित होते. मुंबईतील ग्रॅण्ड रिसेप्शन पार्टीला बॉलिवूडचे अनेक दिग्गज कलाकार उपस्थित होते.
