सिंहगड काॅलेज ऑफ इंजिनिअरींगने पटकावला ‘जाधवर करंडक’
पुणे : जाधवर ग्रुप ऑफ इन्स्टिट्यूटसच्या प्राचार्य डॉ. सुधाकरराव जाधवर आर्टस काॅमर्स अँड सायन्स कॉलेज वतीने ६ वा प्राचार्य डाॅ. सुधाकरराव जाधवर करंडक स्पर्धेत सिंहगड काॅलेज ऑफ इंजिनिअरींग (Sinhgad College Of Engineering) ने जाधवर करंडक (Jadhavar Karandak) पटकाविला.
नऱ्हे येथील संस्थेच्या संकुलात स्पर्धेचे आणि पारितोषिक वितरण समारंभाचे आयोजन करण्यात आले होते. सावित्रीबाई फुले पुणे विद्यापीठ, राष्ट्रीय सेवा योजना व विद्यार्थी विकास मंडळाच्यावतीने ही स्पर्धा झाली. यावेळी विविध क्षेत्रातील मान्यवरांसह संस्थेचे अध्यक्ष प्राचार्य डॉ. सुधाकर जाधवर (Dr.Sudhakakar Jadhvar), उपाध्यक्ष अ‍ॅड.शार्दुल जाधवर (Adv.Shardul Jadhvar), खजिनदार सुरेखा जाधवर (Surekha Jadhvar)आदी उपस्थित होते.
पथनाट्य स्पर्धेत सिंहगड काॅलेज इंजिनिअरींग ने प्रथम, वाडिया काॅलेज द्वितीय, श्रीमती काशीबाई नवले महाविद्यालयाने तृतीय क्रमांक तर एमआयटी (MIT) आळंदी महाविद्यालयाने चतुर्थ क्रमांक पटकाविला. वादविवाद स्पर्धेत न्यू आर्टस काॅमर्स आणि सायन्स काॅलेज अहमदनगर ने प्रथम, स.प. महाविद्यालयाने द्वितीय (S P College), डॉ. डी.वाय पाटील महाविद्यालय (D Y Patil)पिंपरी ने तृतीय क्रमांक तर एमआयटी कॉलेज ने चतुर्थ क्रमांक पटकाविला.
भारुड, भजन, पोवाडा स्पर्धेत जगन्नाथ शिंदे याने प्रथम, ऋत्विक चव्हाण द्वितीय, सृष्टी यादव हि तृतीय क्रमांक आणि सिद्धांत लांडे हा चतुर्थ क्रमांकाचा मानकरी ठरला. वक्तृत्व स्पर्धेत पूर्वा काणे, तजस पाटील, महेश उशीर, सृष्टी शिंदे यांनी अनुक्रमे चार क्रमांक पटकाविले.
