मुंबईला नदीचं स्वरुप! अंधेरी सबवे बंद, 12 हून अधिक मार्गांवर बसेस वळवल्या
मुंबई : मागील काही दिवसांपासून राज्यभर मुसळधार पाऊस पडत आहे. मुंबईतील अनेक भागात सकाळी धो-धो पाऊस पडला असल्याने पावसाची नोंद झाली. त्यामुळे राज्याच्या राजधानीत अनेक भागांमध्ये मोठ्या प्रमाणात पाणी साचले आहे, त्यामुळे अंधेरी भुयारी मार्ग काही काळासाठी बंद करण्यात आला आहे.
मुंबईत मुसळधार पावसामुळे शहरातील सखल भागात पाणी साचून रस्त्यांना नदीचे स्वरूप आलं आहे. त्यामुळे बृहन्मुंबई इलेक्ट्रिक अँड ट्रान्सपोर्ट (बेस्ट) लिमिटेडने 12 हून अधिक मार्गांवर बसेस वळविल्या आहेत. त्यामुळे शहरातील अनेक भागात वाहतूक कोंडी झाली होती. अंधेरी आणि दहिसर भुयारी मार्गावर काही काळ पाणी साचले होते. सध्या उपनगरीय लोकल ट्रेनचे नेटवर्क सामान्यपणे सुरू आहे.
सांताक्रूझ वेदर ब्युरो येथे शुक्रवारी 9 तासांत 100 मिमीपेक्षा जास्त पावसाची नोंद झाली. IMD नुसार, शुक्रवारी सकाळी 8.30 ते संध्याकाळी 5.30 पर्यंत उपनगरात सरासरी 115.2 मिमी पावसाची नोंद झाली, तर (कुलाबा वेदर ब्युरो) शहरात सरासरी 92.2 मिमी पावसाची नोंद झाली.
