शिव ठाकरे आणि सुंबुल तौकीर दिसणार एकत्र? त्या फोटोंमुळे चर्चांना उधान

मुंबई | लोकप्रिय अभिनेत्री सुंबुल तौकीर (Sumbul Touqeer Khan) वादग्रस्त शो बिग बॉस 16 (Bigg Boss 16) मध्ये सहभागी झाल्यापासून चर्चेत आहे. या वादग्रस्त रिअॅलिटी शोचा भाग असलेल्या सुंबुलची शिव ठाकरे (Shiv Thakare), साजिद खान (Sajid Khan) आणि अब्दु (Abdu Rozik) यांच्याशी घट्ट मैत्री झाली. बिग बॉस 16 मध्ये तिच्या कार्यकाळानंतरही अभिनेत्रीला अनेकदा तिच्या बिग बॉस 16 मधील मित्रमंडळींसोबत वेळ घालवताना पाहिले जाते आणि अनेकदा सोशल मीडियावर त्याची झलक देखील शेअर केली जाते.

काही तासांपूर्वी सुंबुल तौकीरने तिच्या सोशल मीडिया हँडलवर तिचे जवळचे मित्र अर्जुन बिजलानी (Arjun Bijlani) आणि शिव ठाकरे यांच्यासोबत काही फोटो शेअर केले होते. या फोटोंमध्ये इम्ली म्हणजेच सुंबुलने अभिनेत्री मेटॅलिक गोल्ड जॅकेटमध्ये दिसत आहे. त्यातच अर्जुन, शिव आणि सुंबुल सोबत अर्चना गौतम देखील दिसत आहेत. त्यांच्या या फोटोमुळे असे वाटत आहे की सेलिब्रिटी एका मजेदार प्रोजेक्टसाठी शूटिंग करत आहेत कारण ते सर्व स्टायलिश पोशाखात आणि शूटिंगच्या ठिकाणी बॅकस्टेजचा आनंद लुटताना दिसत आहेत.