आरोग्यमंत्र्यांच्या मतदारसंघात आरोग्य सुविधांचा तुटवडा! वेळेवर उपचार न मिळाल्याने महिलेचा मृत्यू
दिंडोरी : (Nashik Dr. Bharati Pawar News) केंद्रीय आरोग्य राज्यमंत्री डॉ. भारती पवारांच्या (Dr. Bharati Pawar) दिंडोरी मतदारसंघातच (Dindori Assembly) आरोग्य सुविधांचा अभाव असल्यामुळे एक महिलेचा मृत्यू झाला आहे. तालुक्यातील वनारवाडी (Vanrwadi) येथील एका महिलेचा सर्पदंशाने मृत्यू झाल्याची धक्कादायक घटना समोर आली आहे.
दरम्यान, मृत्यू झालेल्या महिलेल्या वेळेवर योग्य उपचार न मिळाल्याने जीव गमवावा लागल्याची घटना घडली आहे. या प्रकरणामुळे पुन्हा एकदा आरोग्य व्यवस्थेचा भोंगळ कारभार समोर आला आहे. विशेष म्हणजे हा सर्व प्रकार केंद्रीय आरोग्य राज्यमंत्री असलेल्या डाॅ. भारती पवार यांच्य मतदारसंघात घडली आहे. त्यामुळे आरोग्य खात्यावर अनेक प्रश्न उपस्थित केले जातात.
नाशिक जिल्ह्यातील (Nashik) आरोग्य व्यवस्था तुटपुंजी असल्याचे वारंवार अनेक घटनांवरुन निदर्शनास आले आहे. जिल्ह्यात आरोग्यमंत्री असताना देखील अनेकदा गर्भवती महिलांसह इतर नागरिकांना वेळेवर उपचार न मिळाल्याचे प्रकार घडले आहेत. एका महिलेला सर्पदंश (snakebite) झाल्यानंतर तिला तातडीने ग्रामीण रुग्णालयात (Rural Hospital) दाखल करण्यात आले. मात्र सुविधा उपलब्ध नसल्याने त्यांनी सर्पदंशाची लस देत पुढील उपचारासाठी नाशिक जिल्हा रुग्णालयात पाठवले. मात्र इथे पोहोचण्यापूर्वीच या महिलेचा मृत्यू झाला. त्यामुळे आरोग्यमंत्र्यांच्या जिल्ह्यात या प्रकारची परिस्थिती असेल तर राज्याचा आणि देशाचा विचारच करायला नको.
