“हा चिकना माल या कंपनीचा आहे…”; संतोष जुवेकरची पोस्ट चर्चेत

मुंबई | Santosh Juvekar’s Post Under Discussion – मराठी सिनेसृष्टीतील अभिनेता संतोष जुवेकर हा प्रसिद्ध अभिनेत्यांपैकी एक आहे. संतोष जुवेकरने ‘झेंडा’, ‘मोरया’, ‘एक तारा’ आणि ‘रेगे’ यासारख्या मराठी चित्रपटात दमदार भूमिका साकारल्या आहेत. त्याच्या या चित्रपटाला प्रेक्षकांकडूनही खूप चांगली पसंती मिळाली आहे. तसंच संतोष जुवेकरचा चाहता वर्ग देखील प्रचंड मोठा आहे. नुकतंच संतोष जुवेकरने ‘फादर्स डे’ च्या निमित्ताने एक खास पोस्ट शेअर केली आहे.

संतोष जुवेकरने त्यांच्या इन्स्टाग्राम अकाऊंटवर एक पोस्ट शेअर केली आहे. यात त्याने त्याच्या वडिलांचा एक फोटो शेअर केला आहे. या फोटोत तो त्याच्या वडिलांकडे पाहताना दिसत आहे. त्याने या फोटोला फार हटके कॅप्शन दिले आहे.

“चायला आज बाबांचा दिवस आणि विसरलो, त्यांनीच कॅाल केला म्हणाले “अरे वेड……. व्या आईला wish करतोस आणि मला विसरलास ? बाबा i love u….. सांगायची गरज आहेका??….. असं मी म्हंटल आणि ते म्हणाले…… अरे माझ्या बाबाला मी नाही दाखवु शकलो जगाला पण तू दाखवु शकतोस ना तुझ्या बाबाला, कळूदे ना मग सगळ्यांना हा चिकना माल ह्या कंपनीचा आहे…….. माझा बाबा लय माझ्यावर गेलाय…… बाबूडी i love u रे!!!! Happy fathers day, असं संतोष जुवेकरनं त्याच्या पोस्टमध्ये म्हटलं आहे. तसंच त्याच्या या खास पोस्टला अनेकांनी लाइक्स आणि कमेंट्स केल्या आहेत.