राजस्थान-गुजरात विजयासाठी प्रयत्नांची शिकस्त करणार; आज दोन तुल्यबळ संघाचा सामना
मुंबई : सध्या आयपीएलचा पंधराव्या हंगाम चालू आहे. त्यातील आज २४ वा सामना दोन तुल्यबळ संघांमध्ये पाहायला मिळणार आहे. नवी मुंबईतील डी. वाय. पाटील स्टेडियममध्ये राजस्थान रॉयल्स-गुजरात टायटन्स हे दोन संघ विजयासाठी प्रयत्नांची शिकस्त करतील. दोन्ही संघांनी आतापर्यंत प्रत्येकी तीन विजय संपादन केले असून एका लढतीत दोन्ही संघांना पराभवाला सामोरे जावे लागले आहे. त्यामुळे क्रिकेटप्रेमींना आजच्या सामन्यात रोमहर्षक झुंज पाहायला मिळणार आहे.
राजस्थान रॉयल्सची गोलंदाजी क्रम मजबूत आहे. ट्रेंट बोल्ट, प्रसिद्ध कृष्णा ही वेगवान गोलंदाजांची जोडी सध्या चांगल्याच फॉर्ममध्ये आहे. प्रतिस्पर्धी फलंदाजांवर अंकुश ठेवण्याची क्षमता या दोघांमध्ये आहे. कुलदीप सेन याने मागील सामन्यात लखनौ सुपर जायंटस्‌ संघाविरुद्धच्या अखेरच्या षटकात प्रभावी गोलंदाजी करीत आपला ठसा उमटवलाय. रवीचंद्रन अश्‍विन व युजवेंद्र चहल या अनुभवी फिरकी गोलंदाजांवर राजस्थान रॉयल्सची मदार असणार आहे.
राजस्थान रॉयल्ससाठी जोस बटलर व शिमरोन हेथमायर हे परदेशी फलंदाज छान कामगिरी करत आहेत. कर्णधार संजू सॅमसन व देवदत्त पडीक्कल यांच्याकडून मोठ्या खेळीची अपेक्षा आहे. यशस्वी जैसवालला या मोसमात अद्याप सूर गवसलेला नाही. वॅन डर डुसेन यालाही पुरेशी संधी मिळालेली नाही. त्यामुळे क्रिकेटप्रेमींना आजच्या सामन्यात रोमहर्षक झुंज पाहायला मिळणार आहे.
