”गांधीजी वाईट नव्हते पण…” स्वातंत्र वीर सावरकर चित्रपटाचा टीझर आऊट

Swatantra Veer Savarkar Teaser : गेल्या वर्षी महेश मांजरेकर यांनी स्वातंत्र्यवीर सावरकर यांच्यावरच्या सिनेमाची घोषणा केली होती. या सिनेमात अभिनेता रणदीप हुड्डा मुख्य भूमिकेत आहे. या चित्रपटातील त्याचा लुक देखील काही महिन्यांपूर्वी समोर आला होता. आता या चित्रपटाचा टीझर समोर आला आहे. टीझरनंतर प्रेक्षक आता सिनेमाची प्रतीक्षा करत आहेत.

‘स्वातंत्र्यवीर सावरकर’ या सिनेमात रणदीपने अभिनयासोबतच दिग्दर्शनदेखील केले आहे. काल स्वातंत्र्यवीर सावरकरांच्या जयंतीचे औचित्य साधून या सिनेमाचा टीझर आऊट करण्यात आला. या सिनेमाची घोषणा झाली तेव्हा रणदीपच्या लूकची खूप चर्चा झाली होती. पण आता या टीझरमधील झलक पाहून प्रेक्षक आणखी उत्सुक झाले आहेत. तसेच या सिनेमातील संवादही उत्तम असणार याची झलक टीझरमध्ये पाहायला मिळत आहे.

भगत सिंह, सुभाष चंद्र बोस आणि खुदीराम बोस यांसारख्या क्रांतिकारकांवर स्वातंत्र्यवीर सावरकर यांच्या विचारसरणीचा प्रभाव असल्याचं टीझरमध्ये सांगण्यात आलं आहे. या सिनेमाचे शूटिंग महाराष्ट्र, अंदमान निकोबार आणि लंडनध्ये झाले आहे. या चित्रपटात सावरकरांची जीवनगाथा पडद्यावर पाहायला मिळणार आहे. सावरकरांना मिळालेली काळ्या पाण्याची शिक्षा, सेल्युलर जेलमध्ये त्यांचा झालेला छळ या सगळ्या गोष्टींची झलक पाहायला मिळत आहे. तसंच टीझरमध्ये महात्मा गांधी यांचा देखील उल्लेख आहे. चित्रपटाचा टिझर खूपच जबरदस्त असून आता या चित्रपटाची प्रेक्षक आतुरतेने वाट पाहत आहेत.