किंग खानचा ‘डंकी’ थिएटरमध्ये पाहा मोफत; जाणून घ्या काय आहे भन्नाट ऑफर
Dunki Movie Free Ticket : अभिनेता शाहरुख खानचा (Shah Rukh Khan) 2023 या वर्षातील ‘डंकी’ (Dunki) हा तिसरा चित्रपट गुरुवारी मोठ्या थिएटरमध्ये दाखल झाला. चित्रपट रिलीज होण्याआधी या चित्रपटाची प्रेक्षकांमध्ये प्रचंड क्रेझ होती. शाहरुखच्या अनेक चाहत्यांनी डंकी रिलीज झाल्यानंतर थिएटरबाहेर जल्लोष केला. शाहरुखच्या डंकी या चित्रपटानं पहिल्याच दिवशी बॉक्स ऑफिसवर धुमाकूळ घातला आहे.
बॉलिवूडचा किंग शाहरुख खान (Shah Rukh Khan) आणि अभिनेत्री तापसी पन्नू (Taapsee Pannu) यांची प्रमुख भूमिका असलेला ‘डंकी’ चित्रपट (Dunki Movie) आज प्रदर्शित झाला आहे. मागील काही दिवसांपासून या चित्रपटाची उत्सुकता ताणली गेली होती. जर, तुम्हीदेखील हा चित्रपट पाहण्याचा प्लान करत असाल तर तुम्हाला फ्री तिकीट मिळू शकते. त्यासाठी काही स्टेप्स फॉलो कराव्या लागतील.
Book My Show वरून अशी करा तिकीट बुक
चित्रपटाचे फ्री तिकीट मिळविण्यासाठी, पहिल्यांदा तुम्हाला तुमच्या फोनमध्ये Book My Show ओपन करावे लागेल. अॅप उघडल्यानंतर डंकी चित्रपटाच्या बॅनरवर क्लिक करा. त्यानंतर चित्रपटगृह आणि सीट निवडा.
चित्रपटगृह आणि सीट निवडल्यानंतर, तुम्हाला पुढील स्टेप्समध्ये पेमेंट या पर्यायावर टॅप करावे लागेल, पेमेंट पेजवर तुम्हाला More Payment Options वर क्लिक करावे लागेल, त्यानंतर पुढील पेजवर तुम्हाला Redeem Points पर्यायावर टॅप करावे लागेल.
Redeem Points वर क्लिक केल्यानंतर बँकिंग पार्टनरची यादी दिसेल. तुम्हाला या यादीत तुमची बँक निवडावी लागेल. बँक निवडल्यानंतर, तुम्हाला क्रेडिट आणि डेबिट कार्ड दोन्ही पर्याय दिसतील.
जर तुम्ही बुक माय शो अॅपद्वारे चित्रपटाची तिकिटे बुक करत असाल तर तुम्हाला डेबिट कार्डचे शेवटचे चार अंक टाकावे लागतील. परंतु जर तुम्ही बुक माय शोच्या अधिकृत साइटवरून तिकीट बुक करत असाल तर तुम्हाला संपूर्ण डेबिट कार्ड क्रमांक टाकावा लागेल.
कार्ड आणि फोन नंबर टाकल्यानंतर चेक बॅलन्सवर क्लिक करा, त्यानंतर तुम्हाला पॉइंट्स दिसतील. तुमचे डेबिट कार्ड वापरताना तुम्ही कमावलेले हे गुण आहेत. हे पॉईंट्स बुक माय शोच्या माध्यमातून मोफत चित्रपटाची तिकिटे मिळण्यास मदत करतील.
